Aadaab Kshitiz ji kese hai.n aap......
Janaab aapki is gazal ne to keher dhaa diya hai koi bhi esa sher nahi jiski tarif ki jaye puri gazal hi apne mein lajawaab hai is umda kalaam par khaaksaar ki daad kubool ho likhtey rahiye.........TC
Quote:
Originally Posted by kshitiz
ahl e buzm ko mera sallaam !
kuch ashaar ke saath aapse muQaabil huN , ummeed karta huN ki ye koshish ghazal ka rang bikherne meiN kaamyaab hogii !
mujh se milna tera yuN mujh pe asar karta hai
mere hone ki koi aur khabar karta hai
rang chehre ka mere dekh utar jata hai
chor ke jaane ki tu baat agar karta hai
duniya waale abhi iss raaz se waQiff hi nahi
mujh se tu door hai par mujh meiN basar karta hai
roothne se tujhe pehle hi mana leta maiN
juzba e ishQ zara der asar karta hai
maine lafzoN ko baratne ka hunar seekha hai
tera har lafz mere dil pe asar karta hai
badzubaani meri tahzeeb bhula deti hai
aur afsoos ye dil shaam o sahar karta hai
humne seekha hai guloN ki tarah haNs kar milna
besabab ashQ bahana bhi zarar karta hai
nekiyaN kar ke bhula dena meri aadat hai
kar ke aihsaan "kshitiz" sarf e nazar karta hai !
|