21st December 2003, 01:35 PM
ahl-e-sukhan ko adaab,
Maazrat ka talabgaar hoon iss wajah se ke qafi dino tak kisi kism se bhi iss bazm mein shirkat nahi kar paaya tha. Hamari ba-izzat dost parastaar G ki taraf se dawat to zaroor aayee thi lekin..masroofiyat ki zanjeeroN ko toDna mushkil hota hai. Issee liye mein "PARASTAAR" G se khaaas kar maufi mangna chahta hoon... aur na jane kyon "SHIMUL" G iss bazm mein nazar nahi aa rahi....ummeed hai unko iss bazm ke aagaaz ka ilm zaroor hoga..
yeh kuch jumlaat aap ki pesh-e-khidmat hai...aapki nazar-e-inaaayat se mamnoon.
kal milenge hum yeh soch ke mein so nahi paaya.
ek pal ko bhi palkoN ka milan ho nahi paaya.
dil mein zehen mein phool hai sare khushi ke bass,
kyun jaan lutaoon usspe ke jo nahi paaya.
kehta hai saqi "talib, sab khairiyat to hai?"
kal raat bazm-e-ranj mein tumko nai paaya.
|