Chaliye isi baat par hassan saahab ki poori ghazal bhii post kar dete hain .... ek baar winning ghazal ka lutf aaap sab phir se uthaaiye......
Tumhari shohrat ko awaazaa na karenge
Sitam seh leiN ge, tamashaa na karenge
awaaza: report about reputation.
Bhale talkh lafzon ke nishtar barsaao
ZubaaN per uff magar laayaa na karenge
Wo phool sa khilta hai raQeeboN ke darmiyaaN!
Hum door se dekheN ge, paas jayaa na kareNge
Khoo un ki jo thehri hai boht sard mizaaji
Hum wehshat-e-ishq ke lahaq, takazaa na karenge
khoo: habit
lahaq: used to
Khaar hi khaar kyuN na rakh do hamari raah per
Zakhm khud seencheN ge, dikhayaa na karenge
Apne ashkoN ko samjhaa liya hai aaj saahil per!
Badal jo haiN barasne ko, woh ab barsaa na karenge