Quote:
Originally Posted by AHMAD SHAKIL
Arbaab-e-Zauq Ko Aadaaab…!Dosto Aik Ghazal Ke Chand Ashaar Pesh Hain….Ummiid hai Pasand aayen ge….
ZEHAN ME RAKHNA
Hamaray Dil Ko Hai Jo Be-Qaraari , Zehan Me Rakhna
Saraa-sar Ye Inaayat Hai Tumhaari, Zehan Me Rakhna
Tumhaaray Baad Jeenay Ka Tasawwur Hee Nahi Mumkin
Tumharay Saath Hain Saansen Hamaari, Zehan Me Rakhna
Zamanay Ke Liye JanaaN Bhalay Tum Kuch Bhi Ho Lekin
Hamaaray Waastay Dunia Ho Saari, Zehan Me Rakhna
Bhala Kab Bhool Paao Gay Bhulanay Se Mujhay Hamdam
Lahoo Ban Ke RagoN Me Hun Main Jaari, Zehan Me Rakhna
Kabhi Jo Dushman-e-JaaN Bhi Hamaara Zabt Gar Parkhay
Milay Gi Usko Hum Me Inkisaari, Zehan Me Rakhna
AHMAD ALI SHAKIL
|
Masha Allah bohat khoob Ahmed sahab
sabhi ashaar laajawaab hain
Yuhi likhte rahiye