Dil dhadakta Raha hum tadapte rahe
Teri Yadon ke patthar baraste rahe
Ek gumnam sa dard uthta raha
Jane kya pyaas thi hum taraste rahe…….
Humne chaha bahut tumko bhulein magar
Saari yadon khayalon mein tum hi tum rahe
Humne bola bahut per dil na maana ise
Tum yaad aate rahe dil mein baste rahe……
Humein socha kissi ko khabar na lagegi
Sari mahfil ko phir bhi pata chal gaya
Hum tumhein yaad kar muskurate rahe
Our humein dekhkar log hanste rahe………
Jab talak tu saath tha zindagi saath thi
Kaarwan-e mohabbat mere saath tha
Aaj jab tu nahin to kuch bhi nai
Na hi manzil rahi na hi raste rahe……
Anjam-e mohabbat ko tanhaai mein
Jab bhi socha to humne paya yahi
Bazar-e mohabbat mein humko sanam
Pyaar mahnga raha dil saste rahe………
kya baat hai janaab aalaa se bhii aalaa.... behad mutassir ho gaya hoon main jabse aapka kalaam roobaruu huaa hai mere..... dil se dheron daad aapko pesh karta hoon, qubool kijiyegaa....