Vo Alam - The poem

[Faisal]

Dear Dosto.

Here is a poem which I call a masterpiece. please read it not only read it but please try to understand it, only then will you understand the real meaning. Please send me your views.



--------------------------------------------------------------
muddat meN vo phir tAza mulAqAt ka 'Alam
KHAmOSH adAON meN vo jazbAt ka 'Alam

naGHmON meN samOyA hua voh rAt ka 'Alam
voh 'itr meN DUbE hue lamhAt ka 'Alam

allAh re voh SHiddat-e jazbAt ka 'Alam! (SHiddat-e jazbAt =Intensity of Emotion)
kuCHh keh ke vo bhUlI hui har bAt ka 'Alam

CHAyA hua voh naSH'a-e sehbA-e mahabbat
jis tarha kisI rind-e KHarAbAt ka 'Alam

voh sAdigi-E husn, vo mehjUb-nigAhI
voh mehSHar-e sad SHukr-o SHikAyAt ka 'Alam

nazrON se vo ma'sUm mahabbat ki tarAviSH
CHehrE pe vo maSHkUk KHayAlAt ka 'Alam

'Ariz se DHalaktE hue SHabnam ke vo qatrE
ANkhON se jhalaktA hua barsAt ka 'Alam

bE-SHart-e takalluf vo pizIrAiy-e ulfat
bE-qaEd-e tasanno' vo madArAt ka 'Alam

Ek Ek nazar SHe'r-o SHabAb-O mai-o naGHmA
Ek Ek adA husn-e mahAkAt ka 'Alam

voh nazrON hi nazrON me savAlAt ki duniyA
voh ANkhoN hi ANkhON meN javAbAt ka 'Alam

nAzuk se tarannum meN iSHArAt ke daftar
halkE se tabassum meN kanAyAt ka 'Alam

pAkizegi-E 'ismat-o jazbAt ki duniyA
doSHIzegi-E husn-e KHayAlAt ka 'Alam

barham vo nizAm-e dil-o duniyA-e tamannA
paEham vo SHikastON meN futUhAt ka 'Alam

voh 'iSHq ki barbAdi-e zindA ka muraqqa'
voh husn ki pAyinda karAmAt ka 'Alam

voh 'Ariz-e pur-nUr, vo kaEf-E nigah-E SHaOq
jaEsE ke dam-E subh munAjAt ka 'Alam

voh jur'at-e bE-bAk, vo SHOKHI, vo SHarArat
voh husn-o mahabbat ki masAvAt ka 'Alam

thak jAne ke andAz meN voh da'vat-e jur'at
khO jAne ki sUrat meN vo jazbAt ka 'Alam

SHarmAyi lajAyI hui voh husn ki duniyA
voh mehki hui, behki huI rAt ka 'Alam

dO biCHhRe dilON kI vo baham sulh-o safAyI
pur-kaEf vo tajdId-e mulAqAt ka 'Alam

voh 'arsh se tA farSH barastE hue anvAr
voh tehniyat-E arz-o samAvAt ka 'Alam

tA subh vo tasdIq-e mahabbat ke nazArE
tA SHAm vo phir faKHr-o mabAhAt ka 'Alam

Tell me what you think

Faisal

[noureen]

i like,
it is nice