To Vipin Uncle -
11th December 2010, 11:51 AM
Sabse pahle mai shayri.com ke admin aur promoters se maafi maangti hoon yahaan is post ko daalne ke liye, kyunki is post ka shayri se koi lena dena nahi hai mujhe to ek message dena hai Vipin uncle ko, yahaan post karne se mera maksad ye hai ki wo yahaan jaroor aate honge aur ye post padhenge, mere paas unko contact karne ka yahi ek jariya hai, so please mujhe maaf kar dijiyega.
Uncle ji,
kaafi din ho gaye aapse baat kiye lagbhag 4 saal ho gaye... is beech me maine aapko kaii email kiye aapne jawaab nahi diya fir maine bhi email karna band kar diya... mai thodi si naraj thi fir samanya ho gaii... yah ek khula khat hai aapke liye, mujhe maloom hai aap naraj honge isse
bas aapko ek cheej bataani thi, aap hamesha mujhe Garv kahkar pukaarte thay aur mai is par hasti thi.. par aaj aapko Garv hoga, maine yahaan jaipur me gareeb bacho ke liye nihshulk school aur treatment ki wyawastha ki hai.... bas aapko yahi bataana tha taaki aapko yeh ahsaas na ho ki kis bewkoof ladki ko Garv ki upaadhi de di thi... aap jab bhi mujhe yaad karein Garv ke naam se hi yaad karein maine socha hai aage jaakar us school ka naam Garv hi rakhungee taaki aapko apne upar Garv mehsoos hota rahe
aapka
Garv
Anant se bhi aage... itni si khwahish hai :)
|