Shayri.com  

Go Back   Shayri.com > Shayri > Aapki Shayri

Reply
 
Thread Tools Rate Thread Display Modes
Pehle samjheN to sahiiH raahguzar ki baateN
Old
  (#1)
prasaxena
Shayar
prasaxena is a name known to allprasaxena is a name known to allprasaxena is a name known to allprasaxena is a name known to allprasaxena is a name known to allprasaxena is a name known to all
 
prasaxena's Avatar
 
Offline
Posts: 569
Join Date: Apr 2002
Location: New Delhi, India
Rep Power: 28
Pehle samjheN to sahiiH raahguzar ki baateN - 26th August 2003, 01:58 PM

Bazm meN phir aik baar aadaab arz karta huuN

Chand dinoN pehle aik aur mehfil-e-shayri meN aik Khuubsuurat misr-e-tarah diya gaya tha, jis par logon ne kaafi kuch kaha aur bohat Khuubsuurat kaha. Jab is par meri nazar pari to Khud-b-Khud khayalaat ka silsisila shuruu ho gaya aur uske baad jo Ghazal huee wo aap ahbaab ki Khidmat meN pesh hai. Apni rae se nawaziyega.

Misra tha - :Ghar se bahar bhi chalii jaati haiN ghar kii baateN:
------------------------------------------------------------------------------------

GHAZAL

Pehle samjheN to sahiiH raahguzar ki baateN
Phir mila waqt tau kar leNge safar kii baateN

Log kehtey haiN ke deevaareN bhi sun leti haiN
:Ghar se bahar bhi chalii jaati haiN ghar kii baateN:

Lafz-e-bema’ni hai is daur meN ulfat kyuuNke
Log karte haiN faqat la’l-o-gohar kii baateN

Jab jigar meN ho faqat ek junuuN manzil ka
Kaun karta hai bhala Khauf-o-Khatar kii baateN

Humko aati hai mohabbat ki zabaaN hi kyuuNke
IsmeN hoti hi nahiiN zer-o-zabar kii baateN

Iski mitti se na utTh jaaye kahiiN buu-e-Khuluus
Ab bohat gaoN meN sunta huuN shahar kii baateN

Apni aankhoN meN ummedoN ke ujaale lekar
Humne raatoN se bohat kii hain sahar kii baateN

Jaagtey haiN tau andheroN meN bhatak jaate haiN
Log bas neend meN karte haiN sahar kii baateN


Praveen Saxena


raah meiN hi manziloN ka zikr mat chedo Praveen
manziloN ne sun liya toh aur woh badh jaayeNgi
  Send a message via Yahoo to prasaxena  
Reply With Quote
Reply

Thread Tools
Display Modes Rate This Thread
Rate This Thread:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

Similar Threads
Thread Thread Starter Forum Replies Last Post
Pehle samjheN to sahiiH raahguzar ki baateN prasaxena Shayri-e-Dard 28 2nd August 2015 09:44 PM
!~.. Uski baaten........!! janumanu Shayri-e-Ishq 2 8th December 2009 03:06 AM
Dil Ki Baaten tabassumshakeel Shayri-e-Ishq 2 20th June 2006 11:08 AM
Dil Ki Baaten tabassumshakeel Shayri-e-Ishq 0 5th June 2006 07:34 PM
Pehle samjheN to sahiiH raahguzar ki baateN prasaxena Ghazal Section 2 5th September 2003 10:42 AM



Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com