Registered User
Offline
Posts: 55
Join Date: Aug 2001
Location: Adipur Kutch (india)
Rep Power: 25
|
mushkil hai apna mel , ye pyar nahin hai khel , -
13th June 2006, 10:04 PM
mushkil hai apna mel , ye pyar nahin hai khel ,
mushkil hai apna mel , ye pyar nahin hai khel ,
tum MA 1st division ho, main hua matric fel ,
mushkil hai apna mel , ye pyar nahin hai khel ,
tum fauji afsar ki beti, main to kisaan ka beta hoon,
tum rabadi kheer malai ho, main to sattu sapreta hoon,
tum AC ghar mein rahti ho, main ped ke neeche leta hoon,
tum nai maruti lagti ho, main scooter lamreta hoon,
is kadar agar hum chup-chup kar aapas me prem badhaenge,
to ek roz tere daddy amrish puri ban jaaenge,
sab haddi pasli tod mujhe bhijwaa denge vo jail ,
mushkil hai apna mel , ye pyar nahin hai khel ,
tum arab desh kee ghodi ho, main hoon gadahe ki naal ,
tum deewali ka bonus ho, main bhookho ki hadtaal ,
tum heere jadi tashtari ho, main almunium ka thaal ,
tum chicken-soop biryani ho, main kankad waali daal ,
tum hiran-chaokadi bharti ho, main hoon kachue ki chaal ,
tum chandan-wan ki lakdi ho, main hoon babool ki chaal ,
main pake aam sa latka hoon, mat maaro mujhe gulel ,
mushkil hai apna mel , ye pyar nahin hai khel ,
main shani-dev jaisa kuroop, tum komal kanchan kaya ho,
main tan-se man-se kanshi ram, tum maha chanchala maya ho,
tum nirmal paawan ganga ho, main jalta hua patanga hoon,
tum raaj ghaat ka shanti march, main hindu-muslim danga hoon,
tum ho poonam ka taajmahal, main kaali gufa ajanta ki,
tum ho vardaan vidhata ka, main galti hoon bhagvanta ki,
tum jet vimaan ki shobha ho, main bus ki thelam-thel ,
mushkil hai apna mel , ye pyar nahin hai khel ,
tum nai videshi mixi ho, main patthar ka silbatta hoon,
tum AK-saintalis jaisi, main to ik desi katta hoon,
tum chatur rabadi devi si, main bhola-bhala lalu hoon,
tum mukt sherni jangal ki, main chidiyaghar ka bhaalu hoon,
tum vyast sonia gandhi si, main v.p.singh sa khali hoon,
tum hansi madhuri dixit ki, main policeman ki gaali hoon,
kal jel agar ho jaaye to dilwa dena tum bel ,
mushkil hai apna mel , ye pyar nahin hai khel ,
main dhabe ke dhaanche jaisa, tum paanch sitara hotel ho,
main mahue ka desi tharra, tum red-label ki botel ho,
tum chitra-haar ka madhur geet, main krishi-darshan ki jhaadi hoon,
tum vishva-sundari si kamaal, main teliya chaap kabadi hoon,
tum sony ka mobile ho, main telephone waala chonga,
tum machli maansarovar ki, main saagar tat ka hoon ghongha,
dus manzil se gir jaaooga, mat aage mujhe dhakel ,
mushkil hai apna mel , ye pyar nahin hai khel ,
tum satta ki maharani ho, main vipaksha ki lachari hoon,
tum ho mamta-jailalita si, main kwara atal-bihari hoon,
tum tendulkar ka shatak , main follow on ki paari hoon,
tum getz, matiz, corolla ho main Leyland ki lorry hoon,
mujhko refree hi rehne do, mat khelo mujhse khel ,
mushkil hai apna mel , ye pyar nahin hai khel ,
main soch raha ki rahe hain kabse, tum log mujhko jhel ,
mushkil hai apna mel , ye pyar nahin hai khel .
|