Quote:
Originally posted by akant
Namaskar Vipin ji,
kaise hain aap??? aapne ese padha mujhe behad khushi mili. yah kavita sach mein mujhe bhi bahut achchhi lagati hai..eski wording ekdam simple hai..es kavita ki sabse aham khasiyat hai.. kalpanao aur sachchai ko bayan kerti hai..aaj bhi mujhe yaad hai ki three part hain.. part-I ka link de raha hoon.. ese jarur padhiyega.. aur part-III ko abhi tak maine post hi nahi kiya..
http://www.shayri.com/forums/showthr...threadid=16399
shubhkamnao sahit,
Akant...
|
Akant Ji
Pranaam,
Aapki Kavita ka bhaag-ek parha...
-------------
aaj bhi mujhe yaad hai
vo tere sath faubbare ke pass baithana
haatho mein apane tera haath thame rahana
chudiyo ko tere baar baar pichhe sarkana
baate kerte kerte yu hi gum ho jana
phir tere dupatte ka paani mein gir jana
sab mujhe yaad hai...
hum dono ka baag mein baithana
tera vo chahakana
titaliyo ke pichhe bhagana
phir tera vo bilkhana
jab titaliya tere hath se ud gayi
phir mujhase kahana
pakado na pakado na
kahaker jhakjhorna
aaj bhi mujhe yaad hai..
baarish ke vo din
jab dono sath sath chal rahe the
ek hi chhate mein
bachane ki koshish ker rahe the
bijali ka vo chamakana,
phir megh ka garajna
tera mujhase lipatana
aaj bhi mujhe yaad hai...
college ke vo din
jab hum pahali baar mile the
dekh tujhe kalpana ke phool khile the
brihaspatiwaar ka vo din
jab likh raha tha main kuchh palo ke palchhin
tum aayee
chupake se meri ankho per
apane unguliyoN ki paTTi lagayee
tera vo komal spersh
aaj bhi mujhe yaad hai...
jab tu mujhe dekhati thi
sharma ke kaise hasti thi
man jhoom uthata tha
swarg vahiN rahata tha
tere paas
jo deta tha jine ki aas
vo ehsaas
aaj bhi mujhe yaad hai...
Akant..
-----------
Lajawaab peshkar hai yeh Akant bhai. Bahaut khoobsurati se likhey hain aapne yeh ehsaas. bahaut pasand aaye.
Bas ab tow aapki Part-III ko parhney ki vyakulta barhgayi hai. Intezaar rahega.
aapka
vipin