Quote:
Originally Posted by Amanush...
DeewaroN ke bheetar aatish hai aakhir kya karuN
Baahar pattharoN ki baarish hai aakhir kya karuN
Kadam kadam par thokareiN lamhe lamhe pe dard
Raah-e-zindagi se na khwaish hai aakhir kya karuN
Zamaane bhar ka bhoj mujh par aur chalna hai akela
NahiN kissi ki bhi nawaazish hai aakhir kya karuN
Baat sayaasat ki ho ki mohabbat ki chupchaap houN
DostoN ki rakeeboN se saazish hai aakhir kya karuN
Man ki baat man maiN liye man hi man ghuT raha meiN
Iss mulk main lagi houi bandish hai aakhir kya karuN
Kehna hai logon ka bahut ghazaleiN likhta hai ‘Amanush’
GhazaloN ki hi or meri kashish hai aakhir kya karuN
|
Aadaab Danny Bhaee,
Ayk taweel arsay ba'd aapki koee naee kaavish parhnay ko milee, parhkar, samajh kar dil ki haalat dil he jaanta haye, ayk ajeeb si gahrayee wa sanjeedgee mayn dubotee ayk alag hi qism kay gham o dard say tar mahsoos huyee yay aapki tahreer hamayn! Aapkay fan ko tahay dil say Salaam janab aur aapkay kalaam ko bayaan karnay kay liyay alfaaz kam hayn!
Khaaksaar ki jaanib say bayshmaar daad paysh e qidmat haye, qaboul farmayayn!