zaalim -
10th July 2002, 01:04 PM
zaalim thaa vo aur zulm kii aadat bhi bahut thii
majabuur them ham un se muhabbat bhi bahut thii
us but ke sitam seh ke dikhaa hi diya hamne
yuun apni tabiyat mein bagavat bhi bahut thii
vaaqif hi na thaa rasm-e-muhabbat se vo varna
dil ke liye thodi si inaayat bhi bahut thii
yuun hi nahi mashahuur-e-zamanaa mera qaatil
us shaqs ko is fan mein mahaarat bhi bahut thii
kyaa daur-e-gazal thaa ke lahuu dil mein bahut thaa
aur dil ko lahuu karne kii fursat bhi bahut thii
har shaam sunate the hasinon ko gazal ham
jab maal bahut thaa to sakhavat bhi bahut thii
bulavaa ke ham 'aziiz' ko pashemaan bhi bahut hain
kya kijiye kambakht kii shohrat bhi bahut thii
wo mere dil ko kuchal ke chala gaya
anjane me muzko wo shayar bana gaya
|