Ata kar khuda teri rehmat ka jadu -
31st May 2021, 05:31 PM
Ghazal
Ata kar khuda teri rehmat ka jadu
Sikha ham ko apni hifazat ka jadu
Hai baton men uski latafat ka jadu
Labo lehje men hai nafasat ka jadu
ZabaN uski shireeN hai akhlaq aala
Hai alfaaz men bhi salasat ka jadu
Sada amn ka phool khilta rahega
Raha zinda gar qomi millat ka jadu
Chalo talkhiyan door karte hain milkar
Zamane pe karden muhabbat ka jadu
Eh mahol dilkash banane ki khatir
Mitana padega adawat ka jadu l
Hai zore qalam tere hathon men umdah
Khuda tujh ko bakhshe karamat ka jadu l
Ehan par mera aana mushkil tha parwaaz
Mujhe kheench laya hai chahat ka jadu l
Some meanings
Latafat -Charm
Lobo lehja - Taking style
Nafasat- Sophistication
SheeriN - Sweet
Akhlaq - Behaviour
Aala - High class
Alfaz - Words
Salasat -Simplicity
Amn - Peace
Qomi millat - Communal association
Mey - Wine
Khilafat - Oppose
Talkhiyan - Bitterness
Dilkash - Attractive
Adawat - Hate
Umdah - Nice
Karamat - Miracle, wonder, amazement
By Mujeeb Parwaaz
|