Aadaab DostoN!
Kaiiiiiiiiiiii dino baad yahaan aaye hain.. naye chehre hain, puraane saathi bhi... achha lag raha phir se pariwaar me aakar!
Kaii dino baad kuchh likha hai.. chhota sa.. pesh kar rahe hain.. umeed hai likhna bhool nahi gaye hoN!
________________________________
Khwaab rehte the jo kabhi palkoN pe,
Moti bankar aankhoN se jhhaR gaye.
Daav par hote hain dil o jaan yahaan,
Ulfat ke ye saude mehenge paR gaye.
Dhundhle raaste, manzil bhi anjaani si..
Rukte kadam phir aage baR gaye.
Na jeet hui, na haari baazi humne..
Kabhi khudse, kabhi kismat se laR gaye.
_________________________________