Quote:
Originally Posted by tabaah
Ru-Baruu Wo Hai Ibaadat Kar Raha Hu
Uske Chehray Ki Tilaawat Kar Raha Hu
Lo Kharido Ik Nazar Ke Moul Mujhko
Apni Qeemat Mein Riyaayat Kar Raha Hu
Li Hai Sabr-o-Zabt Ne Mujh Se Ijaazat
Apne Mehmaanon Ko Rukhsat Kar Raha Hu
Chhin Gaya Mulk-e-Jawaani Bhi To Kya Gham ?
Ab Bhi Yaadon Per Hukoomat Kar Raha Hu
Koi Bhi Gham usko Loutaaya Nahi Hai
Yun Amaanat Mein Khayaanat Kar Raha Hu
Usne Tou Bas Ik Zara Si Baat Chehri
Mein Wazaahat Per Wazaahat Kar Raha Hu
Ishq Karke Aap Bhi Ban Jaaye Insaan
Sheikh Sahaab Ko Naseehat Kar Raha Hu
Aashiqui Tufaan-e-Girya Chahti Hai
Aur Mein Aahon Per Qana’at Kar Raha Hu
Aasmaan Jo Shaks Hai Sab Ki Nazar Mein
Usko Chhuu Lainay Ki Jurrat Kar Raha Hu
Mein Ne Dekha Hai Qateel us Ka Saraapa
Mein Kahaan Zikr-e-Qayamat Kar Raha Hu???
|
Waah Waah.... Tabaah ji....
Kya qlaam hai. Kya khayaalaat pesh kiye hai.N
Har ek she'r itnee khubsurti se sajaa hai.............
Bas paR ke mazaa aa gayaa...............
Daaaaaaad...........................
~Adil