bas unka deedaar karne ko jee mera chahta hai -
15th October 2016, 07:11 PM
bas unka deedaar karne ko jee mera chahta hai
dam bhar khushi men sanwarne ko jee mera chahta hai
her shey ajeeran lage hai ab mujh ko furqat men unki
Darya-e-gham se ubharne ko jee mera chahta hai
aansu ka darya bahadunga gar hua door unse
bas saath men jeene marne ko jee mera chahta hai
nazron men, sanson men, khwabon men aur yadon men unki
khushbu ke jaise bikharne ko jee mera chahta hai
lagta nahin hai mera jee dharti pe unke bina ab
tufaaN men parwaaz karne ko jee mera chahta hai
had ke tehet hai muhabbat ka rishta humdum se lekin
Parwaaz had se guzarne ko jee mera chahta hai
Deedaar- darshan
Shey- cheez
ajeeran- asuikaar
furqat- virha/ judai
perwaaz- Udaan
By Mujeeb Parwaaz
|