JaaN Nisaar akhtar- aaye kya kya yaad

[sameer'shaad']

aa.e kyā kyā yaad nazar jab paḌtī in dālānoñ par
us kā kāġhaz chipkā denā ghar ke raushan-dānoñ par

aaj bhī jaise shāne par tum haath mire rakh detī ho
chalte chalte ruk jaatā huuñ saarī kī dūkānoñ par

barkhā kī to baat hī chhoḌo chanchal hai purvā.ī bhī
jaane kis kā sabz dupaTTā pheñk ga.ī hai dhānoñ par

shahr ke tapte fuTpāthoñ par gaañv ke mausam saath chaleñ
būḌhe bargad haath sā rakh deñ mere jalte shānoñ par

saste dāmoñ le to aate lekin dil thā bhar aayā
jaane kis kā naam khudā thā pītal ke gul-dānoñ par

us kā kyā man-bhed batā.ūñ us kā kyā andāz kahūñ
baat bhī merī sunñā chāhe haath bhī rakkhe kānoñ par

aur bhī siina kasne lagtā aur kamar bal khā jaatī
jab bhī us ke paañv phisalne lagte the Dhalvānoñ par

sher to un par likkhe lekin auroñ se mansūb kiye
un ko kyā kyā ġhussa aayā nazmoñ ke unvānoñ par

yaaro apne ishq ke qisse yuuñ bhī kam mash.hūr nahīñ
kal to shāyad novel likkhe jaa.eñ in rūmānoñ par


-JaaN Nisaar akhtar

[Madhu 14]

Baat bhi Meri sunna chahe hath bhi rakkhe kano par.....

Waah ji...kamaal ki ghazal share ki Hai apne..

Shukriya

[sameer'shaad']

Originally Posted by Madhu 14

Baat bhi Meri sunna chahe hath bhi rakkhe kano par.....

Waah ji...kamaal ki ghazal share ki Hai apne..

Shukriya

shukriyaa pasand karne ke liye madhu saahibaa.....

aati rahiyega

shaad.......