Quote:
Originally Posted by AHMAD SHAKIL
Thi mushkil jo ab tak wo hal ho gayee lo
TumheN dekhte hi ghazal ho gayee lo
Ye maatha tumhara hai matlaa ghazal ka
LaboN ko kahuN sher agla ghazal ka
Ye ik gaal oolaa to dooja hai saani
Hai mafhoom aankheN tabassum hai maani
Ghazal kya tumhari nakal ho gayee lo
TumheN dekhte hi ghazal ho gayee lo
Janab Vikaas Ji………. Wah Wah Wah…… Kamal Ka Band Hai Janab….. Bohat Khubsurti Se Aap Ne Aik Aik Lafz Ko Piroya Hai……
Be-Intaha Rawaan Andaz-e-Bayaan……… Karoron Daad Is Khubsurat Band Ki Nazar…..
Bhale tum bana do bhale tum mita do
Magar door hone ki yun mat saza do
Ye afkaar mere haiN tere hi dam se
Kaho tum jo kahana hai mere qalam se
Sukhan ka mere tum amal ho gayee lo
TumheN dekhte hi ghazal ho gayee lo
Wah…… Aalaa Darjay Ki Barjastagee…. Kamaal ki Rawani Or Buland Takhayyul…. Dheron Daad
Agar phool bhi tha kahan tha khilaa maiN
Na dhoonda kisi ne na khud ko mila maiN
Mile tum jo mujhko mili zindgi hai
TumhiN maiN nihaaN ab meri har khushi hai
MaiN daldal hua tum kanval ho gayee lo
TumheN dekhte hi ghazal ho gayee lo
Likhayaa hai tumne likhaa jo bhi maine
Hai roodaad teri kaha jo bhi maine
NihaaN hoga ab naam maqte meiN tera
Meri fikr mai ik tera hi basera
Meri sabr ka meetha phal ho gayee lo
TumheN dekhte hi ghazal ho gayee lo
Janab Vikaas Sb……. Subha Subha Aap Ki Ye Khubsurat Nazm Parh Kr Tabiyat Hashaash Bashaash Ho Gai…. Is Nazm Ka Hr Harf Or Aap Ka Andaz-e-Bayaan Aap Ke Fun Ki Bulandi Ki Daleel Hai……
Khush Rahiye Or Yunhi Likhtay Rahiye……..
|
thanks for ur comment ,,,,,,,,,,,,,,,,,,, !!!!