Quote:
Originally Posted by aru
us din kuch ulajhti hui shaam thi,
Main bhi uljha , vo bhi uljhi
Jane kya baat thi
Ek samundra ke kinare pe baithe hum
Shayad yahi soch rahe the
Kee ,
Us paar kaise jayenge
Manjhdaar mein doob to na jayenge
sooraj ke taraf dekhkar
Poocha us se
Kya hamara saath de paoge
Kinare tak pahunchne se pehle
Tum bhi doob to na jaoge
Sooraj muskarya aur bola
Ye mere jeevan ke yatra hai
Isme doob ke hee jaana hai
Bina doobe koi manjil tak nahin pahunchta
Tumhe sampoorna hone ke liye doobna hee padta hai
Subah ke liye raat mein doob kar hee jana hota hai
Ek jeevan se doosre jeevan kee yaatra mein
Mrityu mein doobna hee hota hai
Safalta pane ke liye asaflta mein doobna hee hota hai
Sukh ke liye dukh mein doobna hota hai
Doobne ko galat mat samjho
Main doobta hoon to din raat hote hain
Main doobta hoon to chaar mausam hote hain
Tumhe bhi apni yatra poorna karne ke liye doobna hee hoga
Jitna dooboge utna hee kinare ke najdeek hoge
Itna sunkar hum bhi taiyar ho gaye
Apni yatra ko poorna karne ke liye
Doob kar kinara paane ke liye
Ek naye savere kee intezaar mein
|
wah! realy very nice creation kahn se kahan tak soch gaye aap or us soch ko shabdon ka zaama pehnaana bahut khoob, marvellous!