Quote:
Originally Posted by Mujahid Ali
Jahaa dekhu mai sehra hi nazar aaye hai ab mujh ko
Faqat dasht-e-tamanna hi nazar aaye hai ab mujh ko
BiyaabaaN ke dehektey aag mai hai hasrat-e-kausar
Magar har fard pyaasa hi nazar aaye hai ab mujh ko
Thikaane toh badal jaatey magar yaadeiN vohi rehte
Jisey dekha be-gaana hi nazar aaye hai ab mujh ko
Koee kaise rahey ga khush juda ho kar bhi apno se
Ke har koee fasurdah hi nazar aaye hai ab mujh ko
Dikhaye raah koee aye khuda bhatkey musaafir ko
YahaaN har koee tanha hi nazar aaye hai ab mujh ko
Tawaqqo ab himaayat ki karey koee kisi se kya
YahaaN sab haal-e-khasta hi nazar aaye hai ab mujh ko
Khuda ukta gaya hu mai ye roz-o-shab ke aalam se
Vohi yaksaaN tamasha hi nazar aaye hai ab mujh ko
Elaaj-e-dard-o-gham kar aye khuda ehel-e-shehar ki tu
Ke har koee tarapta hi nazar aaye hai ab mujh ko
Mujahid ishq hai mazhab parastaar-e-mohabbat ke
YahaaN sab qais-o-laila hi nazar aaye hai ab mujh ko
FEW MEANINGS
• Sehra= desert/BiyaabaaN
• Faqat= only
• Dasht-e-tamanna= desert of desire
• Hasrat-e-kausar= desire for water which is flowing in paradise
• Fard= individual
• Fasurdah= sad/dejected
• Tawaqqo= expectation
• Himaayat= support
• Haal-e-khasta= wretched condition
• Ukta= bore
• Aalam= state/nazaara/view
• Roz-o-shab= day & night
• YaksaaN= similar
• Elaaj-e-dard-o-gham= cure of pain & sorrow
• Mujahid= pen name
• Mazhab= religion
• Parastaar-e-mohabbat= worshippers of love
• Qais= another name of majnu
|
hum to har baar aapko padhkar aapke muuriid ho jaate hai Mujahid bhai aur is baar bhi aapke kalam ne jo sama bandhaa hai kya kehne ek sher jis par dil se muqarrar nikla uska zikr kar raha hoon yaha par:
Khuda ukta gaya hu mai ye roz-o-shab ke aalam se
Vohi yaksaaN tamasha hi nazar aaye hai ab mujh ko
upar waale se dua hai ji zor-e-kalam aur ziyaadah....likhte rahiye aabaad rahiye