har anjuman ka aaftaab hai woh -
9th March 2004, 06:47 PM
har anjuman kaa aaftaab hai woh
paikar-e-sher-o-aadaab hai woh
rashk karti hai jawaani jis pe
sada jawidaana shabaab hai woh
nahi jahaan maen jawaab jiska
kuch aisa hi lajaawaab hai woh
rok lo tham lo na jaane do usey
aaj haqeeqat kal khwaab hai woh
hai khushnaseebi ae ahl-e-mehfil
ke aaj tumhe dastyaab hai woh
khud etemaad behisaab hai woh
kamyaab hi nahi nayaab hai woh
yaaro kaa yaar sab ka jan-nisaar
dushmano ke liye azaab hai woh
tanzo-tanqeed ke kai teer chale
tere har vaar ka jawaab hai woh
jafakaron ko shayad ilm na ho
ab bhi mast-o-shadaab hai woh
ferzana samjhe qadr kalam-e-"fer"
deewana kahe kharaab hai woh
|