Naadaan Ki Mazaar Hai

[naadaan]

Bazm-e-mehfil ko Salaam,

Ek adna koshish aap sab ki khidmat meiN. Ummiid haiN muskurayeNge bhi aur pasanD bhi kareNge aap sab.

Nabz kamzor, aaNkhe nam, khud kalaam bukhaar hai,
Reham kar ai khuda, banda la-ilaaj, ishq kaa bimaar hai
(Khud Kalaam=khud se baateN karna)

BayaaN kartii laali-e-chasm hai, guzre shab ka suruur,
Pyaar se dekha is naachiiz ko, go utraa nahi khumaar hai

Aur bhi haiN qaid humse, us shama ke parwaane yahaN,
Qaid khaaney meiN guuNj rahi “pehle mai” ki pukaar hai.

Aafat aan pa.Dii shehar meiN, jo rozoN ke paaband thay,
Kal dekh usko jharoke maiN, manaaya Eid ka tyohaar hai.

KiwaadoN par pa.De taale, har koocha-o-gali wiraan hai,
Hujuum jama markaz-e-shehar, aanewaala koi bazaar hai.
(Hujuum=Crowd, Markaz=Centre)

Samuucha qurb-o-jawaar aag ki laptoN meiN jhulas raha,
Suna hai shringaar ke liye sarkar ko roshni ki darkaar hai.
(Qurb O Jawaar= Neighborhood, Paas-pa.Dos)

Suna, suurat nahi kaabiliyat, us haseeN ka taqaaza hai,
Namaluum tha daulat bhi, kabiliyatoN meiN shumaar hai.

Khuun, pasiine, arman, mohabbat se banaya tha ye ghar,
Ab taakat-e-zar-o-fareb-e-ishq se “naadaan” ki mazaar hai.
(Zar=Money/Paise)

Aap ki rai ka besabrii se intezaar rahega.
Aadab,
Shyam.

[Amanush...]

Originally Posted by naadaan

Bazm-e-mehfil ko Salaam,

Ek adna koshish aap sab ki khidmat meiN. Ummiid haiN muskurayeNge bhi aur pasanD bhi kareNge aap sab.

Nabz kamzor, aaNkhe nam, khud kalaam bukhaar hai,
Reham kar ai khuda, banda la-ilaaj, ishq kaa bimaar hai
(Khud Kalaam=khud se baateN karna)

BayaaN kartii laali-e-chasm hai, guzre shab ka suruur,
Pyaar se dekha is naachiiz ko, go utraa nahi khumaar hai

Aur bhi haiN qaid humse, us shama ke parwaane yahaN,
Qaid khaaney meiN guuNj rahi “pehle mai” ki pukaar hai.

Aafat aan pa.Dii shehar meiN, jo rozoN ke paaband thay,
Kal dekh usko jharoke maiN, manaaya Eid ka tyohaar hai.

KiwaadoN par pa.De taale, har koocha-o-gali wiraan hai,
Hujuum jama markaz-e-shehar, aanewaala koi bazaar hai.
(Hujuum=Crowd, Markaz=Centre)

Samuucha qurb-o-jawaar aag ki laptoN meiN jhulas raha,
Suna hai shringaar ke liye sarkar ko roshni ki darkaar hai.
(Qurb O Jawaar= Neighborhood, Paas-pa.Dos)

Suna, suurat nahi kaabiliyat, us haseeN ka taqaaza hai,
Namaluum tha daulat bhi, kabiliyatoN meiN shumaar hai.

Khuun, pasiine, arman, mohabbat se banaya tha ye ghar,
Ab taakat-e-zar-o-fareb-e-ishq se “naadaan” ki mazaar hai.
(Zar=Money/Paise)

Aap ki rai ka besabrii se intezaar rahega.
Aadab,
Shyam.

Shyam Ji...!Accha lagaa aap ka yaha kalaam...! Hum muskaaye nahin par isse hum ne bahut pasand kiya...!

7th sher kuch khaas lagaa...!

Keep it up. ok...?

[ajay nidaan]

naadaan ji

aapan wakai me bahut aacha likha hai theme kaafi jabardast hai


daad kabuk kijiyega

ajay nidaan

[naadaan]

Originally Posted by Mushkil

Shyam Ji...!Accha lagaa aap ka yaha kalaam...! Hum muskaaye nahin par isse hum ne bahut pasand kiya...!

7th sher kuch khaas lagaa...!

Keep it up. ok...?

Danny Bhai Aadaab,

Aapki hausla afzaai ke liye shukriya. Aapne apna kimati waqt mere thread par diyaa iske liye mamnoon huuN. Apna saath banaye rakhiyega. JaankaaroN ki hausla afzaai ka lag marataba hota hai.

Aap ke waqt ke liye fir se shukriya.

Aadaab,
Shyam

[naadaan]

Originally Posted by ajay nidaan

naadaan ji

aapan wakai me bahut aacha likha hai theme kaafi jabardast hai


daad kabuk kijiyega

ajay nidaan

Ajay Bhai Namashkar,

"Woh aaye humaare thread pe, kabhi hum unko kabhi thread ko dekhte haiN."

Dhanyavad Ajay bhai aapke protsahan ka. Prayas rahega ki aap sab ke maapdand par khara utaruuN.

Sadhanyavad
Shyam