Quote:
Originally Posted by maikasH
namaste Praveen bhai
kya Ghazal hui hai, sadke jaauN!
marhoom Jaun Eliya bohat yaad aaye aapki yeh Ghazal paDh kar, unka ek sher jo mujh bohat se bhi zyada pasaNd hai, isi zameen meiN hai:
yeh mujhe chain kyoN nahiiN paDta
ek hi shakhs tha jahaan meiN kya?
mere liye haasil-e-Ghazal sher yeh hua :
Chal haqeeqat se dosti kar leiN
YuN bhi rakkha hai ab gumaan meiN kya?
so iske liye alag se mubarakabaad baaNdh lijiye, beh'tareen Ghazal raqm ki hai aapne, mubarakbaak to ban'ti hai, Tikaaiye
rab raakha
maikash
|
Aadaab Maikash Bhai
Aapko thread par dekh kar dil khush ho gaya. Aapki daad se hausla aur khushi bhi bohat badhe.
Ji haaN jab uss group meiN ye qavafi aur rdeef diye gaye to mujhe bhi Jaun Eliya ki ye ghazal yaad aa gayi. Unko ek video mein ek mushaire mein isse padhte huve suna tha. Tab se ye zameen mere zehn meiN thii, socha tha kabhi iss par kuchh kehne ki jasarat karuuNga.
Aapki mubarakbaad aur daad ka bohat-bohat shukria.
Khaksaar
Praveen