Quote:
Originally Posted by Sagar Aashna
Farzi ek lakeer se, Bharat-o-Pakistan bane
Baa-hum thae jo bhai, Hindu-o-Musalman bane
Neem august ka woh toofaN sab kuch udaa ke legaya
Lehlahate bagheeche shamshaan-o-qabrestan bane
Royi thi woh maaN do bachchoN ko ladte dekh
InsaaN ke he dushman, kab yeh insaan bane
Mazhab ko jo becha hum ne zaalimoN ke haath
Aman ke pujari ab toh nafrat ke ghulam bane
Shams-o-qamar ne imtiyaaz kiya nahi kabhi
Badal aur parindey bhi itihaad ka paigham bane
Kar li hai taraqui humne har su be-shumaar
Nahi magar huye hum-ahang, khatroN se anjan bane
Muntizar huN 'AASHNA' ke bhar jayenge sab zakham
Hasrat hai ke phir yeh purana hansta sa guldaan bane
SAGAR AASHNA
|
Sagar sahab,
Kya kahun aapke is khayaal ne aankhen nam kar di...Bahut umdaa ghazal kahi hai aapne aur aise hunar ko nacheez ka salaam....pur asar
Yeh sach hai bhai ki do mulqon ki is ladaai mein jeeta koi bhi nahiN hai par afsoos ki baat hai ki taab-o-taaj ke shauqeen hameshaa aisi rudaad ko dar kinaar karte aaye the aur karte rahegaa..
aapka maqtaa jin din ka saveraa dekhe aisi subaah ke liye aakhen muntazir hai...
Maine bhi kuch waqt pehle aise hi jazbe kalamband kiye the aapki nazar
http://www.shayri.com/forums/showthread.php?t=56115
Yunhi likhte rahiYeGaa