Quote:
Originally Posted by Pulkit_gupta
Maa, main kahoon naa kahoon, tujhme jaan basti hai,
Neend chain ki aaj bhi, tere aanchal ke tale milti hai...
Khush ho uthhta hoon gar muskuraata tujhe dekh,
Udaas dekh tujhko nami meri aankhon se jhalakti hai...
Ladhta hoon, jhagadta hoon, sataata hoon tujhe,
Ke is roothhne manaane me yaad bachpan ki khilti hai...
Naye kisi mukaam ki taraf jab badhaaye hain kadam maine,
Himmat meri, Maa, tere aashish se hi badhti hai...
Rehna saath mere har kadam par meri Maa,
Saath tera hone se aaj bhi, har mushkil aasaan dikhti hai...
|
WaaH ! Khoob Se Bhii Bahut Khoob Ashaar HaiN
Asar Andaaz Pulkit Bhaii
Maa Subject Hii Aisaa Hai ... Iss Par Kuch Jyadaa NahiN Kahoongaa
Aap Ke Jazbe Ko Salaam ... Likhne Kaa Huqe Adaa Ho Gayaa
Dilee Daad O Mubaaraqbaad !!!