Doston,
Is ghazal ka matla aur ek sher madhu ji ka diya hua hai aur maine diye matle ko aage badhane ki gustakhi ki hai. Umeed karta hoon aapko pasand aayegi
Madhu ji behad shukriya aapki wajah se ek haseen ghazal ko anjaam milaa.
Bas gaya ankhon me fir chehra suhana apka
Yaad aaya aaj fir vo muskurana apka...
dekhiye aakhir kisi ki jaan pe ban aayi hai.
kya kahun phir is ada se dil lubhaana aapka
kya likhun kagaz pe ab main daastaan ye pyaar ki
bin kahe hi ban gaya ab har fasaana aapka
Sath ab dete nahi mera suno alfaaz bhi.
Aur uspar pyaar se batein banana apka
Is gali mein ab talak vo chaand bhi maayus hai
raat bhar mehfil mein hota shayarana aapka