Dil ko Chu Lene Wali Shayri by Mohsin Naqvi (My Fav. Poet)
 

Us ne jab jab bhi mujhe dil se pukara Mohsin
Main ne tab tab ye bataya ke tumhara Mohsin

Log sadiyon ki khataon pe bhi khush baste hain
Hum ko lamhon ki wafaon ne ujara Mohsin

Jab aa gaya ho ye yaqin ab woh nahi aaye ga
Gham aur anso ne dia sahara Mohsin

Woh tha jab pas to jeney ko bhi dil karta tha
Ab to pal bhar bhi nahi hota guzara Mohsin

Us ko pana to muqadar ki lakeron mein nahi
Us ka khona bhi karien kesey gavara Mohsin

..>SilenT<..

Poet: Mohsin Naqvi

Itni muddat baad mile ho!
Kin sochon mein gum phirte ho?

Itne khaif kyun rehte ho?
Hur aahat se dar jate ho

Tez hawa ne mujhse pocha
Rait pe kia likhte rehte ho?

Kash koi hum se bhi pochey
Raat gaye tak kyun jagte ho?

Main darya se bhi darta hon
Tum darya se bhi gehre ho!

Pechy mur kar kyun dekha tha
Pather ban kar kia takte ho?

Apne Shehr k sab logon se
Meri khatir kyun uljhe ho?

Hum se na pocho hijar ke qissey
Apni kaho tum kesey ho!

Mohsin tum badnaam boht ho
Jese ho, phir bhi ache ho

Poet: Mohsin Naqvi

Thak Jao Gi

Pagal ankhon wali larki!
Itne mehnge khawab na dekho____
Thak jao gi!!

Kanch se nazuk khawab tumhare
Toot gaye to
Pachtao gi!!

Soch ka sara ujla kundan
Zabt ki rakh mein ghul jaye ga
Kachey pakkey rishton ki khushbo ka resham
khul jaye ga-!!

Tum kia jano?
Khawab, safar ki dhop ke taishey
Khawab, adhori rat ka dozakh
Khawab, khiyalon ka pachtawa
Khawabon ki manzil ruswai!
Khawabon ka hasil tanhai!!

Tum kia jano?
Mehnge khawab kharedna hon to
Ankhien bechna parti hain____Ya
Rishte bholna parte hain

Andeshon ki rait no phanko
Piyas ki aot sarab na dekho
Itne mehnge khawab no dekho--!!
Thak Jao Gi!!

Poet: Mohsin Naqvi

Itna khali to ghar nahi, hum hain!
Hum nahi hain magar nahi, hum hain!!

Chasm-e-dushman ke khuf se pocho
Nok-e-naiza pe sir nahi, hum hain

Sham-e-tanhai gham na kar k tera
Koi bhi humsafar nahi, hum hain

Chand se keh do, be dharak utre
Ghar mein dewar-o-dar nahi, hum hain

Woh jo sab se hain be khaber, tum ho
Jin ko apni khaber nahi, hum hain

Kyun jalate ho jhonpri apni?
Is mein lal-o-gohar nahi, hum hain

Hum hain humzaad, raat ko Mohsin
Jin ki qismat Sehr nahi, hum hain

Poet: Mohsin Naqvi

thanks for sharing .................................nice poetry.

It's my pleasure Sunita Ji.....
Mohsin Naqvi ki shayri mere dil ko to chu leti hai.......

Woh tha jab pas to jeney ko bhi dil karta tha
Ab to pal bhar bhi nahi hota guzara Mohsin

Assalam-o-Alaykum Hassan ji bahut hi umda collection aapne yan.ha pesh kiya khaaskar pehle wali gazal ke to kehne hi kya.......hamse yeh gazal bantne ke liye shuhriya janaab

W/Salam Kashif Bhai,
Mujhe khushi hui yeh sun kar, Mohsin Naqvi is bestest poet my dear,
and his compositions are very very beautiful,

Ab is se bhar k bhalan kia ho ehtiyaat-e-wafa,
Mai tere shehr se guzron, tujhe khaber na karon!

Wo aik pal ko dikhayai to de kahin Mohsin,
Mai jaan ganva ke bhi us pal ko mukhtasir na karoN!

Itna khali to ghar nahi, hum hain!
Hum nahi hain magar nahi, hum hain!!

kamaal hai ...............:)

Nice sharing........................................... ........

Fezan

Badan pe apne lahoo ka libaas rakhta hon,
Main khaas phool hon rangat bhi khas rakhta hon,

Kisi khushi ki bhala ab mujhe khushi kyun ho,
Tumhare ghum se jo khud ko udas rakhta hon,

Main apne Dard kahan bant'ta phiron Mohsin,
K main apni cheezien faqat apne pas rakhta hon,,



Subhan allaha!!
Kya ehsaas hai....
bahut khoob....

sach kahoon to jaan hi le li
very nice thought
keep doing

Thanks a lot...
 

Bahut khoob.......Thanks for sharing sir,................. :)

Singla Saheb,

Be-had shukriya janab..... :)

Regards,

Thanks for sharing ........hassan Ji ! nice one ............. :)

aadaab
aaj yahaan se guzraa to janaab muhsin naqvi ke naam ne qadam rok liye
ye badee achhee baat hai ki ostaaz logon ki ghazal ko is tarah se pesh kiyaa jaaye taaki ham jaison ko seekhne ka maoqa mil sake
magar bahot adab w ehteraam se kahgun gaa ki

Jab aa gaya ho ye yaqin ab woh nahi aaye ga
Gham aur anso ne dia sahara Mohsin

ye sher bahr me nahi hai main ye maanne ko taiyaar hi nahi hun ki janaab muhsin jaise azeem shair ki ye ghalatee ho gee .. naahi aisaa ho hi nahi saktaa ... wo ek shaair hi nahi zabaano bayaan pe qudrat rakhne waale mofakkir hain un ka shumaar waqt ke chotee ke chand shairon me hotaa hai ye janaab us moqaam pe hain jahaan in ke kalaam se daleel di jaatee hai
aise me yaqeenan ye ghalatee typing ki hogee is liye bahot adab ke saath guzaarish hai ise durust kiyaa jaaye
aor wo bhi is liye ki in jaise tamaam shoraa ka kalaam hamaaree waraacat hai jis ki hefaazat ham sab pe farz hai
main ummeed kartaa hun ki jald az jald ise durust kar liyaa jaaye gaa
mukhlis
masood hassaas

Hame aagah karaane ke liye bohat bohat shukriyaH Masood sahab,

waise maine bhi is ghazal ko google per bohat dhooNda, aur kayi sites per yeh ayse hi posted hai,Jaise Hassan sahab ne post kiya..

per ek site per sahi ghazal mil gayi,

shayed yeh sher kuch is taraH hai

"Jab aagaya ho ye yaqeeN ab woh nahiN aayega.
Gham aur aaNsu ne diya dil ko sahara mohsin."

nice collection. thanks for sharing...................................

Boht boht shukriya sir jii.... :)

What an innocent flow and B'ful feels... It just went on.. went on... and touched... Looks like a young small town girl fallen in love...

Thanks a lot.... :)

Take care,

Regards,

Pallavi Jii,,

Thankyou so so much for giving your precious
time to my sharing........ :)

Take very good care of yourself,

Regards,

Diya Khud Se Bujha Dena
Hawa Ko Aur Kia Dena ?

Sitare Nochne WaloN
Falak Ko Aasra Dena

Kabhi Is Taur Se Hansna
Ke Dunya Ko Rula Dena

Kabhi Is Rang Se Rona
Ke Khud Pe Muskura Dena

Main Teri Dastaras Chahun
Mujhe Aisi Dua Dena

Main Tera Barmla Mujrim
Mujhe Khul Kar Saza Dena

Main Tera Munfarid Sathi
Mujhe Hat Kar Jaza Dena

Mera Sar Sab Se Ooncha Hai
Mujhe Maqtal Naya Dena

Mujhe Acha Laga “Mohsin”
Ose Pa Kar Ganwa Dena

- Mohsin Naqvi