tanhaiyon pe---ek ghazal

[fersahab]

azeezaan-e-mehfil, nacheez ka aadaab qubool farmaayen..ek ghazal pesh karne ki jasaarat kar raha hun....hamesha ki maanind aap ki besh-qeemti araa, tabsire, tanqeed-o-islaah ka muntazir rahunga.....zaroor nawaaziyegaa.....inaayat hogi.....





tanhaiyon pe apne karam kuch zyaada kiya hai
phir naa karengey koi gilaa ye vaada kiya hai

lutaaye nahi lut taa zakhiraa-e-tanhai jaisey
sadiyon ka khazaana ek umr maen jama kiya hai

taweel safar-e-zindegaani, saaya na koi saathi
kis kis tarah se hamne taiy ye faasla kiya hai

jagaane auron ko kal siyaahi maen sogi daastaan
maenne to aaj lahoo se har lafz zindaa kiya hai

meri duvaon ka asar ho kar rahegaa par magar
baad muddat ke "fer" ne yaad-e-khudaa kiya hai

[Shimul]

Salam,
Umeed hein aap theek honge. Bohot hi khub likhha hein...haar ek sher dilko chhoo gaayi hein. Dilki gehraion se shukriya kabool kijiyega. Yunhi likhte rahiyega. Badi meherbani hogi hum sabpar. Khush rahiye yeh Duwaon ke sath izazat chahungi. Take care. God bless you. Allah Hafiz.

Keep smilling.......